Conquistando México ...

Moito tempo

fincho — Tue, 24 Feb 2009 22:11:05 +0000

Xa fai un tempo que non poño nada novo. A verdade estas semanas non tocou viaxar as fins de semana e pola semana nada mais que ir a clase e facer as constantes tarefas. Pasaron os primeiros parcias (cada 3 semanas mais ou menos) todos ben. Esta fin de semana pasada tocou pasear polo DF. Xa porei algunha foto do sitio.

Querétaro

fincho — Fri, 30 Jan 2009 17:36:48 +0000

Esta fin de semana toca viaxar a Quéretaro. Imos invitados por uns amigos mexicanos, un deles ten casa alí e fan festa todos os anos por estas datas. Ademais esta é longa, xa que o luns e festivo en México, celebran o día da sua constitucion (si tamen teñen un papel deses que non serve para nada pero todos adoran).

Xa porei fotos ao retorno, o sitio parece interesante: Querétaro

Viaxe

fincho — Thu, 29 Jan 2009 05:40:03 +0000

Que gozada, non hai moito que contar da viaxe. Salvo que comezou o xoves pola noite con 11h de camion. Chegamos o venres pola mañan e tras o rexistro, comezaron os dous dias de comer, beber e praia. Eso foi todo durante 48h, ademais de durmir un pouco. Foi tamen o primeiro baño no Pacifico, que ven sendo como no Atlantico pero con moita menos sal, polo menos nesa parte.

ixtapa

O lugar moi fermoso e a verdade pena de estar so dous días, penso que algún mais non viña mal. Nunca probara o sistema este dos todo incluido, pero gustoume moito. Eso de estar na praia tirado nunha tumbona e que a cada pouco pase un tipo cunha camisola de BeachBoy e te sirva mojitos ou piña colada …. esta moi ben si.

O domingo a mediodia, outra vez ao camion e outras 11h de viaxe para voltar a D.F. e o luns voltar a dura realidade. ¡a ver cando nos facemos millonarios ca peña esa de apostas!!!

ixtapa

Marcho de viaxe

fincho — Thu, 22 Jan 2009 23:25:24 +0000

Levo dias sen escreber pero estiven algo liado. Hoxe marchamos cara o Pacifico. Imos a Ixtapa, unha praia virxe a un fin de semana de todo incluido. A ver que tal é o sitio pero ten moi boa pinta. Xa porei fotos do mesmo ao regreso.

Welcome back

fincho — Sat, 17 Jan 2009 00:26:47 +0000

Despois de o dono da nova casa querer enganarnos, facendonos creer que eramos os únicos inquilinos da casa. O mercores chegou o seu fillo que resulta que vive ali tamen, e dende enton a casa pasou a estar chea de xente descoñecida. Decidimos regresar e Nico e mais eu estamos no sitio do principio de Antonie e Lea noutro apartamento aqui preto.
A ver se rematan as mudanzas dunha vez.

Cambio de morada

fincho — Wed, 14 Jan 2009 17:14:30 +0000

Esta pasada tarde noite, Nico e mais eu cambiamos de vivenda. Agora vivimos nunha casa, non un apartamento. Con Antonie outro frances como non e Lea unha francesa de Nova Caledonia.

A casa e moi grande con xardin. As habitacions tamen son grandes e teñen duas camas, asi que a recepcion de visitas sera sinxela.Xa porei algunha foto da casa.

Hoxe toca inda modificar as miñas asignaturas, por cuarta vez. A ver se dunha vez me quedan definitivas.

Chove

fincho — Tue, 13 Jan 2009 02:21:32 +0000

Pese a decirnos os nativos que aquí non chovería ata abril, agora mesmo acaba de empezar a chover e con relativa forza, supoño que non durara moito pero bueno, algo é algo.

Mellor tanta sequedade como había non era boa.

Primeiro día de clase

fincho — Tue, 13 Jan 2009 00:27:57 +0000

Hoxe comenzaron as clases e a verdade a primeira impresionou un pouco. Dabase dende Monterrey de forma simultanea a 10 campus da universidade e un deses campus (hoxe tocoulle ao noso) ten posibilidade de participacion directa via imaxen e son. O resto poden participar a traves da computadora nunha especie de chat.

A parte de eso tamen comencei a miña hora semanal de clases de cociña mexicana e outra asignatura mais, esta xa mais normal en plan ir a clase e o profesor esta diante e esas cousas.

Parece que aquí primase mais o traballar (e moito) mais que o chapar para os exames, a ver que tal vai a cousa.

Visita polo centro

fincho — Mon, 12 Jan 2009 04:22:58 +0000

Hoxe tocou facer ruta turística polo centro de Mexico D.F. Os da asociación de estudantes Amikoos levaronnos a coñecelo. Para eso fumos ate a zona centro e collimos un bus turistico que te vai levando polas distintas partes da cidade. Estivemos todo o día de sitio en sitio, para que asi nos coñezamos un pouco as zonas e podamos logo ir mais adiante a ir visitar en profundidade as que nos interesen. Xa que hoxe foi pouco mais que pasar por cada unha de elas.
Parece un sitio interesante con moitas cousas por descubrir.

Viaxe a Teotihuacan

fincho — Sun, 11 Jan 2009 01:33:55 +0000

Hoxe pola mañan a universidade levounos a Teotihuacan. As duas piramides son realmente incribles e o complexo todo moito mais, xa entendo pq Mexico D.F. é tan enorme venlles de atras, porque case seguro que na época Teotihuacan era a cidade mais grande do mundo tamen.

Deixo unha foto del Camino de los Muertos con la piramide de la Luna al fondo

piramide da lua

Maña toca visita ao centro de Mexico D.F. imos ir nun turibus para que ubiquemos as distintas partes do centro da cidade e logo podamos ir por nos mesmos.